| Is-Sibt 16 u l-Ħadd 17 ta’ Marzu
Nhar il-Ħadd 17 ta’ Marzu |
Niċċelebraw il-Ħames Ħadd tar-Randan.
• L-Għaqda Drammatika Rabat se tippreżenta d-dramm Prezz id-Demm ta’ Alan Fenech, fis-Sala Dun Karm Lia. Is-Sibt ikun fis-7pm u l-Ħadd fl-4pm. Dħul donazzjoni ta’ €5.
•Fil-Knisja Ta’ Ġieżù t-Tielet Jum tat-Tridu tal-Festa ta’ San Ġużepp. Fis-6.00pm Quddiesa Konċelebrata, Prietka, Kurunella, Innu, Antifona u Ċelebrazzjoni Ewkaristika. |
| It-Tnejn 18 ta’ Marzu | •Fis-6pm tiġi ċċelebrata l-Festa ta’ San Patrizju fil-Bażilika. Din tkun bis-sehem tal-Kor Bażilika San Pawl.
•Lejlet is-Solennità ta’ San Ġużepp, fil-Knisja Ta’ Ġieżu. Fit-8.15am Quddiesa bil-kant tat-Te Deum, fil-5.15pm Quddiesa, fis-6.00pm Translazzjoni u fit-7.45pm Quddiesa. |
| It-Tlieta 19 ta’ Marzu | •Solennità ta’ San Ġużepp. Fis-7.00pm toħroġ il-Purċissjoni mill-Knisja ta’ Ġieżù.
•Il-Quddies fil-Bażilika jkun bħal dak ta’ fost il-ġimgħa. Fis-7.00am, 8.00am u s-6.00pm. |
| L–Erbgħa 20 ta’ Marzu | Fit-8.30am issir l-Adorazzjoni fil-Bażilika. |
| Il-Ħamis 21 ta’ Marzu | Is-Seba’ Atti tal-Ħniena: Pellegrinaġġ Korali
Fis-7pm Riflessjoni permezz tal-kant marbuta mal-Passjoni ta’ Sidna Ġesù Kristu u mal-Atti tal-Ħniena, mill-Kor Cappella Sanctae Catharinae. Dawn ser isiru fil-knejjes tar-Rabat u jintemmu fil-Bażilika tagħna ta’ San Pawl fl-10.00pm. |
| Il-Ġimgħa 22 ta’ Marzu | Jum id-Duluri:
Fl-4.30pm fil-Bażilika jkollna ir-Rużarju tas-Seba’ Duluri ta’ Marija. Fil-5.00pm Quddiesa. Fis-6.00pm Purċissjoni bl-istatwa tad-Duluri li toħroġ mill-Knisja Ta’ Ġieżu. X’ħin il-Purċissjoni tasal fil-Pjazza tal-Parroċċa għall-ħabta tas-7.15pm issir Quddiesa bis-sehem tal-Komunitajiet tar-Rabat. Ikanta l-Kor Bażilika San Pawl. Wara titkompla l-Purċissjoni. |
| Is-Sibt 23 ta’ Marzu | Fis-7.30pm Miserere, mei Deus, Programm ta’ Mużika Sagra mill-Banda Konti Ruġġieru bis-sehem tal-Kor Bażilika San Pawl, fil-Bażilika. |
| Il-Ħadd 24 ta’ Marzu | Ħadd il-Palm
Fl-9.45am toħroġ il-Purċissjoni u tgħaddi mill-Pjazza tal-Parroċċa, il-Kulleġġ fejn quddiem il-Knisja ta’ San Bastjan isir it-tberik tal-Palm u tal-friegħi taż-Żebbuġ. Wara l-puriċssjoni tgħaddi minn Triq il-Kulleġġ, Santa Marija, San Publju, il-Kulleġġ u Pjazza tal-Parroċċa. Il-Purċissjoni tkun akkumpanjata mill-1st Rabat Scout Group u 7th Rabat Girl Guides u bit-tfal u personaġġi lebsin ta’ Lhud. Fl-10.30am Quddiesa għat-tfal animata mill-Grupp Tiberija Familja. Fis-6.00pm Quddiesa bis-sehem tal-Kor Bażilika San Pawl. |
| Avviżi oħra: | •Ser isir Pellegrinaġġ Djoċesan għall-morda f’Lourdes mill-15 sal-20 ta’ Lulju 2024.
Aktar informazzjoni tinkiseb fuq [email protected] jew billi ċċempel 79226606. •Jekk tafu b’xi ħadd li jinsab l-isptar, nitolbukom tinfurmawna. Grazzi. |
