Avvizi Għall-ħadd

AVVIŻI GĦALL-ĦADD 4 TA’ SETTEMBRU 2022

by Avviżi
  1. Għada/Illum niċċelebraw t-23 Ħadd taż-Żmien matul is-Sena.
  • Għada/Illum issir il-ġabra speċjali għal din il-Knisja Bażilika. Bħas-soltu nkunu ġenerużi u nirringrazzjawkom bil-quddiem.

 

  1. Nhar it-Tnejn fis-6.45pm issir il-Laqgħa tal-Kummissjoni Liturġija.

 

  1. Nhar il-Ħamis fis-6.00pm fil-Bażilika Quddiesa Kantata fl-okkażjoni tal-Festa tal-B.V.M. tal-Vitorja bis-sehem tat-Tfal.

 

  1. Nhar it-Tnejn 5 u nhar it-Tlieta 6 ta’ Settembru bejn l-5.00pm u s-6.30pm isiru r-Reġistrazzjonijiet tat-tfal kollha li jattendu jew ħa jibdew jattendu d-Duttrina s-Sena d-dieħla fiċ-Ċentru Pastorali San Luqa n-Nigret. Il-ġenituri tat-tfal il-ġodda għandhom iġibu ċ-ċertifikat tal-Magħmudija tat-tifla magħhom.

 

  1. Fil-Knisja ta’ Qasgħa tiġi ċċelebrata l-festa tal-B.V.M. tal-Vitorja b’dan il-programm:
  • Nhar it-Tlieta 6 ta’ Settembru Lejlet il-Festa fis-6.00pm Adorazzjoni u Talb quddiem Ġesu’ Sagramentat.
  • Nhar l-Erbgħa 7 ta’ Settembru – Jum il-Festa fis-6.00pm jingħad ir-Rużarju Animat u fis-6.30pm Quddiesa Kantata mmexxija mill-Arċipriet il-Kan. Josesh Mizzi. – Kulħadd mistieden.

 

  1. Festa ta’ Marija Bambina l-Imtaħleb: Il-Ġimgħa 9 ta’ Settembru – Majjalata.
  • Is-Sibt 10 ta’ Settembru fis-6.00pm Quddiesa ċċelebrata mir-Rev. Fr. Joe Fsadni u wara serata ta’ għana.
  • Il-Ħadd 11 ta’ Settembru fis-6.00pm Quddiesa kkonċelebrata mir-Rev. Kanonku Arċipriet Fr. Joseph Mizzi, wara l-Quddiesa tieħu sehem il-Banda Konti Ruġġieru.

 

  1. Fil-Knisja ta’ San Mark qed tiġi ċċelebrata l-Festa tal-B.V.M. bit-titlu taċ-Ċintura nhar il-Ġimgħa 9 ta’ Settembru fis-6.00pm Transulazzjoni u Quddiesa Konċelebrata mill-W.R. Arċipriet il- Dun Joseph Mizzi, Antifona, Barka Sagramentali u Innu lill-Madonna taċ-Ċintura.
  • Is-Sibt 10 ta’ Settembru – Jum il-Festa fis-6.00pm Quddiesa Solenni u fis-7.15pm ħruġ tal-Purċissjoni li wkoll tagħmel waqfa quddiem il-Bażilika Tagħna.

Avvizi Għall-ħadd

PROGRAMM CORPUS DOMINI

by AvviżiCorpusFesti Rabat

Dan huwa l-programm tal-Festa Solenni u Prinċipali tar-Rabat CORPUS DOMINI, li ser tkun iċċelebrata fil-Bażilika tagħna.
Il-Ħadd 5 ta’ Ġunju 2022: Solennità tal-Pentekoste
L-Għotja taż-Żejt lill-Grotta ta’ San Pawl
5.30pm: Offerta taż-Żejt lis-Santwarju tal-Grotta ta’ San Pawl mill-Parroċċa ta’ Marija Mtellgħa s-Sema tal-Mosta, bis-sehem tal-Kapitlu tal-Kolleġġjata, Kleru u l-Kavallieri tal-Ordni ta’ San Ġwann.
6.00pm Quddiesa Kantata mill-W.R. Dun Sebastian Caruana, Arċipriet tal-Mosta.
It-Tnejn 6 ta’ Ġunju 2022
7.00pm: Pasta Night fuq iz-Zuntier organizzata miż-Żgħażagħ Rabtin Pawlini.
Is-Sibt 11 ta’ Ġunju 2022: Jum il-Familji: niċċelebraw l-Anniversarji taż-Żwieġ
6.00pm: Quddiesa għall-koppji li matul din is-sena ċċelebraw jew ser jiċċelebraw anniversarju speċjali taż-żwieġ tagħhom. Iqaddes il-Kan. Claude Mifsud, Viċi Parroku u jkanta l-Kor Bażilika San Pawl.
It-Tlieta 14 ta’ Ġunju 2022: Jum il-Morda u l-Anzjani Rabtin
9.30am: Quddiesa għall-morda u anzjani Rabtin mill-W.R. Kan. Joseph Mizzi, Arċipriet, li fiha jiġi amministrat is-Sagrament tal-Griżma tal-Morda, organizzata mill-Kummissjoni Djakonija u animata mill-Grupp Tiberija Familja.
7.00pm: Mument ta’ talb fil-preżenza tar-relikwija tal-Beatu Carlo Acutis fejn fl-aħħar tingħata l-Barka Sagramentali.
Ir-Relikwija tal-Beatu Carlo Acutis ser tkun esposta l-Bażilika għall-qima tagħna sal-Ġimgħa 17 ta’ Ġunju 2022.
L-Erbgħa 15 ta’ Ġunju 2022: L-Ewwel Jum tat-Tridu: Jum is-Servizz
8.00am u 12.00pm: Ħruq ta’ murtali.
8.30am: Quddiesa bi ħsieb qasir fuq l-Ewkaristija u wara tibda Esposizzjoni Ewkaristika sa 12pm u mill-4pm sal-quddiesa ta’ filgħaxija.
6.30pm: Quddiesa Kantata u Konċelebrata bl-Għasar. Imexxi l-W.R. Kan. Timon Mercieca u jipprietka Dun Gilbert Scicluna, u jkanta l-Kor Bażilika San Pawl. Mistiedna dawk kollha li jagħtu sehemhom fil-Liturġija u fejn ser jiġi mġedded il-mandat tal-Ministri Straordinarji tat-Tqarbin.
Wara jitkanta l-Innu tat-Tridu u ssir Ċelebrazzjoni Ewkaristika u Barka Sagramentali.
8.15pm: Wara l-Barka jkun hemm ħruq ta’ murtali, murtaletti u kaxxa nfernali.
Il-Ħamis 16 ta’ Ġunju 2022: It-Tieni Jum tat-Tridu: Jum il-Karità
8.00am u 12.00pm: Ħruq ta’ murtali.
8.30am: Quddiesa bi ħsieb qasir fuq l-Ewkaristija u wara tibda Esposizzjoni Ewkaristika sa 12pm u mill-4pm sal-quddiesa ta’ filgħaxija.
6.30pm: Quddiesa Kantata u Konċelebrata bl-Għasar. Imexxi l-W.R. Kan. John Buhagiar u jipprietka Dun Gilbert Scicluna, u janima l-Kor Bażilika San Pawl. Mistiedna l-membri fi ħdan il-Kummissjoni Djakonija. Wara jitkanta l-Innu tat-Tridu u ssir Ċelebrazzjoni Ewkaristika u Barka Sagramentali.
8.15pm: Wara l-Barka jkun hemm ħruq ta’ murtali, murtaletti u kaxxa nfernali.
Il-Ġimgħa 17 ta’ Ġunju 2022: It-Tielet Jum tat-Tridu: Jum il-Komunjoni
8.00am u 12.00pm: Ħruq ta’ murtali.
8.30am: Quddiesa bi ħsieb qasir fuq l-Ewkaristija u wara tibda Esposizzjoni Ewkaristika sa 12pm u mill-4pm sal-quddiesa ta’ filgħaxija.
6.30pm: Quddiesa Kantata u Konċelebrata bl-Għasar. Imexxi l-W.R. Kan. Louis Farrugia u jipprietka Dun Gilbert Scicluna, u janima l-Kor Bażilika San Pawl. Mistiedna l-membri tal-Kunsill Pastorali Parrokkjali u tal-Kummissjonijiet fi ħdan il-Parroċċa. Wara jitkanta l-Innu tat-Tridu u ssir Ċelebrazzjoni Ewkaristika u Barka Sagramentali.
8.15pm: Wara l-Barka jkun hemm ħruq ta’ murtali, murtaletti u kaxxa nfernali.
8.30pm: Festa Familja fuq iz-Zuntier tal-Parroċċa.
Is-Sibt 18 ta’ Ġunju 2022: Lejliet il-Festa Solenni ta’ Corpus Domini
8.30am: Quddiesa Solenni mmexxija minn Dun Joe Fsadni flimkien mal-Kapitlu tal-Kolleġġjata, bil-Kant tat-Te Deum bħala ringrazzjament lil Alla bis-sehem tal-Kor Bażilika San Pawl.
9.00am: Ħruq ta’ kaxxa spanjola, murtali u murtaletti.
4.30pm: Quddiesa tal-Komunità Parrokkjali mill-W.R. Kan. Claude Mifsud, Viċi Parroku.
6.00pm: Quddiesa Kantata mill-W.R. Kan. Joseph Mizzi, Arċipriet.
7.30pm: Għasar Solenni, Ċelebrazzjoni Ewkaristika u Barka Sagramentali. Imexxi l-Kan. Joseph Mizzi, Arċipriet.
8.45pm: Inawgurazzjoni tal-Infjorata fuq iz-Zuntier tal-Parroċċa maħduma mill-voluntiera Rabtin Pawlini.
9.00pm: Il-Banda Ċittadina u Popolari Konti Ruġġieru tesegwixxi l-Programm Annwali fil-Pjazza tal-Parroċċa.
10.30pm: Logħob tan-nar tal-ajru.
11.30pm: Ħruq ta’ logħob tan-nar tal-art fuq iz-Zuntier tal-Parroċċa.
Il-Ħadd 19 ta’ Ġunju 2022: Jum is-Solennità tal-Ġisem u d-Demm ta’ Kristu
6.00am: Quddiesa tal-Komunità Parrokkjali.
7.30am: Quddiesa għall-benefatturi.
9.00am: Quddiesa Solenni Konċelebrata u mmexxija mill-E.T. Mons. George Frendo OP, Arċisqof Emeritus ta’ Tirane-Durres fl-Albanija, akkumpanjat mir-Reverendissimu Kapitlu tal-Kolleġġjata, il-Kleru u r-Reliġjużi tal-Parroċċa.
10.15am: Purċissjoni Solenni bis-Santissimu Sagrament bis-sehem tal-Arċikonfraternità tas-Santissmu Sagrament, b’waqfa quddiem il-Knisja ta’ San Franġisk. Jakkumpanjaw it-tfal tal-Ewwel Tqarbina, 1st Rabat Scout Group u 7th Rabat Girl Guides. Il-Banda Konti Ruġġieru takkumpanja l-Purċissjoni b’innijiet sagri u Ewkaristiċi.
Minħabba l-Purċissjoni ma jkunx hemm Quddiesa fl-10.30am.
12.00pm: Quddiesa.
6.00pm: Quddiesa Solenni konċelebrata mmexxija mill-E.T. Mons. Charles J. Scicluna, Arċisqof Metropolita ta’ Malta, akkumpanjat mir-Reverendissimu Kapitlu tal-Kolleġġjata u l-Kleru u Reliġjużi. Matulha jsir l-Għasar Solenni bis-sehem tal-Kor Bażilika San Pawl.
7.15pm: Purċissjoni Solenni bis-Santissimu Sagrament, bis-sehem tal-Fratellanzi kollha tal-Parroċċa b’waqfiet quddiem il-Knisja ta’ Santa Marija ta’ Ġesù u l-Knisja San Mark. Xħin il-purċissjoni tasal fil-Pjazza tal-Parroċċa jkun hemm mument ta’ adorazzjoni quddiem Ġesù Sagramentat bis-sehem tat-Tfal mill-Parroċċa tagħna. Mad-dħul tal-Purċissjoni fil-Bażilika ssir Ċelebrazzjoni Ewkaristika u Barka Sagramentali. Tieħu sehem il-Banda Konti Ruġġieru.
Waqt il-Purċissjonijiet ta’ filgħodu u filgħaxija jkun hemm ħruq ta’ murtali u murtaletti.
Il-Mużika fil-Festa ta’ Corpus Domini ser tkun tas-Surmast Carlo Diacono u titmexxa mill-Mro. Raymond Sciberras.
Jieħdu sehem il-Kor Bażilika San Pawl u elementi mill-Banda Konti Ruġġieru.
Matul il-jiem tat-Tridu ser ikun hawn saċerdoti disponibbli għall-Qrar fis-Sagristija u fil-Knisja ta’ San Publju.
It-Tlieta 21 ta’ Ġunju 2022
9:00am: Quddiesa fil-Bażilika għat-tfal li għamlu l-Ewwel Tqarbina li jattendu fl-iskola primarja tar-Rabat. Iqaddes il-W.R. Arċipriet Kan. Joseph Mizzi.
5.30pm: Il-Banda Ċittadina u Popolari Konti Ruġġieru takkumpanja lill-W.R. Arċipriet Kan. Joseph Mizzi mid-Dar Parrokkjali sal-Pjazza tal-Parroċċa. Hemmhekk issellem u tilqa’ lill-E.T. Mons. Charles J. Scicluna, Arċisqof ta’ Malta bid-daqq tal-Innu Pontifiċju.
6.00pm Quddiesa fl-okkażjoni tal-25 sena mill-Ordinazzjoni Saċerdotali tal-W.R. Arċipriet Kan. Joseph Mizzi u sħabu Saċerdoti oħra, mill-E.T. Mons. Charles J. Scicluna, Arċisqof Metropolita ta’ Malta. Jieħu sehem il-Kor Bażilika San Pawl.
Il-Ġimgħa 24 ta’ Ġunju 2022: Solennità tal-Qalb Imqaddsa ta’ Ġesù
6.00pm: Quddiesa fl-okkażjoni tal-25 sena mill-Ordinazzjoni Saċerdotali tal-W.R. Arċipriet Kan. Joseph Mizzi. Jieħu sehem il-Kor Bażilika San Pawl.

Avvizi Għall-ħadd

AVVIŻI GĦALL-ĦADD 20 TA’ MARZU 2022

by Avviżi

1. Għada/Illum il-Ħadd niċċelebraw it-Tielet Ħadd tar-Randan.

a) Minn nhar it-Tnejn sal-Ġimgħa wara l-Quddies tat-8.30am ikollna l-Eżerċizzi għal kulħadd. Predikatur Patri Clive Camilleri OFM.

b) Nhar it-Tlieta fis-6.30pm issir il-Laqgħa tal-Lectio Divina fil-Bażilika.

c) Nhar il-Ħamis wara l-Quddies tas-6.00pm issir Adorazzjoni fis-skiet.

d) Nhar il-Ġimgħa fis-7.00pm issir laqgħa għall-ġenituri tat-tfal li ser jirċievu l-ewwel Tqarbina fil-Bażilika – bit-tema – “Il-ħajja fil-Familja” mill-Arċipriet.

e) Nhar il-Ħadd 3 ta’ April mhux ser isir quddies filgħodu fil-Bażilika minħabba ż-żjara tal-Papa.

2. Il-Kummissjoni tal-Ġimgħa l-Kbira fi ħdan l-Arċikonfraternità ta’ San Ġużepp tavża li illum/għada l-Ħadd u nhar il-Ħadd 10 t’April ser issir ir-reġistrazzjoni ta’ dawk li jixtiequ jieħdu sehem fil-Purċissjoni tal-Ġimgħa l-Kbira fir-Rabat. Dawk li huma nteressati għandhom imorru fil-Kunvent tal-Patrijiet ta’ Ġieżu’ fil-jiem imsemmija bejn id-9.30am u l-11.30am biex jinkitbu.

Avvizi Għall-ħadd

AVVIŻI GĦALL-ĦADD 2 TA’ JANNAR 2022

by Avviżi

1a) Nhar it-Tlieta fis-6.30pm issir il-Laqgħa tal-Lectio Divina li tkun mmexxija minn Fr. Tony Sciberras MSSP.

b) Nhar il-Ħamis wara l-Quddiesa tas-6.30pm issir Adorazzjoni fis-skiet.

c) Il-Ġimgħa l-Ewwel Ġimgħa tax-xahar fis-6.30pm issir Adorazzjoni bbażata fuq l-intenzjoni tal-Papa għal dan ix-xahar. – Fis-6.00pm Quddiesa għat-tfal tad-Duttrina tal-5 u s-6 sena fiċ-Ċentru San Luqa n-Nigret mill-Arċipriet.

– Fis-7.00pm issir il-Laqgħa tal-Kunsill Pastorali Parrokkjali.

d) Nhar is-Sibt 8 ta’ Jannar fis-5.45pm fil-Konkatidral ta’ San Ġwann ser issir Quddiesa organizzata mill-Moviment ta’ Kana għal dawk il-koppji li żżewġu matul l-2021. Fl-aħħar tal-Quddiesa Mons. Arċisqof jiltaqa’ mal-koppji personalment u jagħtihom tifkira.

2. Illum/Għada l-ewwel Ħadd tax-xahar għalhekk issir il-ġabra speċjali għall-din il-Knisja Bażilika.

3. Nhar is-Sibt 15 ta’ Jannar fis-5.45pm issir Quddiesa fil-Konkatidral ta’ San Ġwann għal dawk il-koppji għarajjes li se jiżżewġu matul l-2022. Wara l-Arċisqof jiltaqa’ mal-koppji u jagħtihom tifkira.

Avvizi Għall-ħadd

AVVIŻI GĦALL-ĦADD 5 TA’ DIĊEMBRU 2021

by Avviżi

1. Għada/Illum il-Ħadd niċċelebraw It-Tieni Ħadd tal-Avvent.a) Nhar it-Tnejn fil-5.00pm issir il-Laqgħa tal-Kummissjoni Djakonija.

– Fis-6.45pm issir il-Laqgħa tal-Kummissjoni Liturġija.

b) Nhar it-Tlieta fis-6.00pm Mons. Arċisqof ser iqaddes Quddiesa fil-Knisja Ta’ Ġieżu’ fl-għeluq tas-Sena Ġużeppina.

– Fis-6.30pm issir il-Laqgħa tal-Lectio Divina fil-Bażilika.

c) Nhar l-Erbgħa Solennità tal-Immakulata Kunċizzjoni.

– Fid-9.00am fil-Knisja Ta’ Ġieżu’ Quddiesa ppreseduta mill-Kardinal Mario Grech fl-għeluq tas-Sena Ġużeppina.

– Fis-6.00pm Quddiesa Kantata bis-sehem tal-Fratellanza tal-Kunċizzjoni u l-Kor tat-tfal fil-Bażilika.

d) Nhar il-Ħamis fil-5.00pm issir Laqgħa tal-Katekisti fiċ-Ċentru Pastorali.

– Fis-6.30pm wara l-Quddiesa jsir mument ta’ Adorazzjoni fejn tinqara silta u jkollna mument ta’ Adorazzjoni fejn tinqara silta u jkollna mument ta’ silenzju.

– Fis-7.00 issir il-Laqgħa tal-Kunsill Pastorali Parrokkjali fiċ-Ċentru Pastorali.

e) Nhar il-Ġimgħa fis-6.30pm l-Arċipriet Kan. Joseph Mizzi jiċċelebra quddiesa għat-tfal u l-ġenituri tat-3 u r-4 sena tad-duttrina fiċ-Ċentru ta’ San Luqa n-Nigret.

– Fis-6.30pm issir il-Laqgħa tal-Grufan fil-Knisja ta’ Sant’Agata.

2. Illum/Għada l-ewwel Ħadd tax-xahar għalhekk issir il-ġabra speċjali għall-din il-knisja Bażilika.

3. Mill-Ġimgħa 10 sal-Ħadd 12 ta’ Diċembru 2021 ser isir il-Bażar mill-Grupp Tiberija Youths fil-kuritur taċ-Ċentru Pastorali. Nħeġġukom tattendu u tkomplu tgħinuna. Grazzi

Avvizi Għall-ħadd

AVVIŻI GĦALL-ĦADD 28 TA’ NOVEMBRU 2021

by Avviżi

1. Għada/Illum il-Ħadd niċċelebraw l-Ewwel Ħadd tal-Avvent.

a) Nhar it-Tnejn laqgħa ta’ talb ta’ San Mikiel, fil-5.30pm jingħad ir-Rużarju ta’ San Mikiel u fis-6.00pm Quddiesa jiċċelebra Rev. Patri Joe Buttigieg OFM Cap fil-Bażilika.

b) Nhar it-Tlieta fis-6.30pm issir il-Laqgħa tal-Lectio Divina fil-Bażilika.

c) Nhar l-Erbgħa tibda l-Għeluq tas-Sena Ġużeppina fil-Knisja ta’ Ġieżu’ b’Quddiesa fis-6.00pm għall-Għaqdiet Reliġjużi u Soċjali Rabtin. Iqaddes l-Arċipriet Kan. Joseph Mizzi. Il-ġimgħa tkompli sal-Erbgħa 8 ta’ Diċembru. Programm dettaljat fuq in-Notice Board.

d) Nhar il-Ħamis u kull nhar ta’ Ħamis wara l-Quddiesa ta’ filgħaxija se tibda ssir mument ta’ Adorazzjoni fejn tinqara silta u jkollna mument ta’ silenzju.

e) Nhar il-Ġimgħa l-Ewwel Ġimgħa tax-Xahar. – Fis-6.30pm issir Adorazzjoni organizzata.

f) Nhar il-Ġimgħa fis-6.30pm l-Arċipriet jiċċelebra Quddiesa fiċ-Ċentru ta’ S. Luqa n-Nigret għat-tfal tas-sena tal-preċett u t-tieni sena tad-duttrina. It-tfal u l-ġenituri mħeġġa jattendu.

2. Nhar il-Ħadd l-Ewwel Ħadd tax-Xahar għalhekk issir il-ġabra speċjali għall-Knisja Bażilika. Il-ġabra tax-xahar ta’ Novembru kienet ta’ € 1187.

3. Ser jerġa’ jittella’ l-bażar mill-Grupp Tiberija Youths mill-10 sat-12 ta’ Diċembru 2021. Min għandu xi oġġetti, mhux ħwejjeġ, tajbin jista’ jgħaddihomna. Grazzi.

4. L-Ewwel Tqarbina fil-Parroċċa tagħna se tkun iċċelebrata nhar is-Sibt 4 u l-Ħadd 5 ta’ Ġunju 2022. Iktar dettalji jingħataw ‘il quddiem skont iċ-ċirkustanzi f’dak iż-żmien.